OPEN DAG PÅ STEINVIK FISKEFARM VISNINGSSENTER: LAURDAG 4. MAI , klokka 11.00 – 17.00.

OPEN DAG PÅ STEINVIK FISKEFARM VISNINGSSENTER: LAURDAG 4. MAI , klokka 11.00 – 17.00.
Det er den 10. gongen det vert arrangert Open Dag på Steinvik!
 Under Open Dag kan du oppleva fleire ulike aktivitetar som:
– Utstillinga frå oppdrettsnæringa – ver med på quiz på
Visningssenteret.
– Sjå auren i mærane, og berggylte, torsk og sei i eigen tank.
– Fiskekonkurranse for barn – vi har fiskeutstyret. NB! Ta med eigen
redningsvest for dei minste 0-6 år.
– NYTT i år : Båt-turar med raftingbåtar i nærområdet. Gratis for
alle-aldersgrense 13 år, 8-13 år i følgje med foreldre/vaksne.
Utanom dette har vi også meir program :
– Utstilling og besøk av veteranbilar.
– Veteranbåten Atløy kjem.
– Stand/demonstrasjon av livredding på sjøen v/Røde Kors.
NYTT i år : Redningsselskapet kjem med ELIASBÅTEN, stand og
mykje meir.
NYTT i år : 4H kjem med smoothie-sykkel.
– Sal av grilla laks, kaffi, kake og drikke v/Steinhovden Grendalag, til
inntekt for Grendahuset i bygda. Rikeleg med sitteplassar ute og
inne.
– Trekking av premiar på inngangsklistermerke og diverse
konkurransar.
– Og kanskje har vi anna spennande program også!
GRATIS INNGANG OG AKTIVITETAR. ALLE VELKOMMEN!

Sjå også : www.steinvik.no og Facebook : Steinvik.

Vårmønstring 1. mai

Vi inviterer til vårslepp og Jølstravatnet rundt 1. mai. Første året dette kom i stand, var i 2008 og det er vorte ein tradisjon. Frammøte på Panorama camping på Skei klokka 14.00. Treng du fylle opp tanken med 98 oktan, er dette å få på Cirkle K stasjonen på Skei. Vi oppmodar om å nytte dette tilbodet. Om været er godt vil Ola Fugle legge til rette med litt kaffi og snacks før vi tek turen rundt Skei og vidare ned sørsida til lokala våre i Langhaugane. Her vert det sal av kaffi, kaker og pølser. Det vert og eit lite lotteri til inntekt for SVK.

Sunnfjord Veteranvogn Klubb på SandenSøndag i Naustdal

Søndag 27. august er det SandenSøndag i Naustdal. Her vil Sunnfjord Veteranvogn Klubb vere representert, og publikum får vere med på småturar til Naustdalsfossen i veteranbil. Alle medlemer er velkomne til å stille ut sine køyretøy og representere klubben.

Firdaløpet laurdag 26. august 2023 – oppdatert med vinnarar, fasit og resultatliste

Fullstendig resultatliste for Firdaløpet 2023 finn du her: Resultatliste Firdaløpet 2023 (pdf)

Fasit på spørsmålsark post 4, 5 og 6 finn du her: fasit oppgåver (pdf)

 

Løpsvinnar Ørjan Tonheim

med sin 1967 VW Beach Buggy

 

 

 

 

Beste antrekk herre vart vunne av

Nils Olav Kongsvik med sin

1930 Harley Davidson.

 

 

 

I kategorien Beste antrekk dame var det Kirsten Solås som vann. Beste antrekk barn vart Maria og Matheo Solås Sellevold. Alle saman i bil nr 13, 1964 Volvo Amazon.

 

 

 

Beste heilhetsinntrykk vart vunne av familien Åsen i 1964 Ford Cortina.

 

 

 

 

 

 

Sunnfjord Veteranvogn Klubb vil takke alle som deltok i løpet, Alex Vassbotten & Co i Steinvik, Steinhovden Grendalag, og alle andre medhjelparar som gjorde dette til godt gjennomført løp og ein flott dag for alle. Velkommen til nytt Firdaløp i 2024.

 

 


Firdaløpet 2023 går av stabelen laurdag 26. august. Starten går ved Biltema i Førde frå kl 10.30, og ruta går via Naustdal og Vevring til motormuseet i Høydal der det er 2 postar. Vidare puljevis til Steinvik der det vil vere fleire postar, før det er målgang ved Steinhovden grendahus. Her vil det vere mogelegheit til å kjøpe seg middag, kaker og kaffi, og det vil vere åresal og premieutdeling. Full løype og meir informasjon finn du i løpsheftet som blir utdelt ved start. Meld deg på ved å trykke her og fylle ut påmeldingsskjemaet.  Du kan òg melde deg på ved start, men av praktiske årsaker er det ønskjeleg med mest mogeleg førehandspåmeldingar. Oppmøte frå kl. 09.30 på Biltema.

Som vanleg oppmodar vi deltakarane til å stille i tidsriktige antrekk. I tillegg til løpspremiar blir det òg premiering for antrekk og heilhetsinntrykk.

 

 

Årsmøte fredag 31. mars kl. 19.00

Sunnfjord Veteranvogn Klubb kallar med dette inn til årsmøte fredag 31. mars kl. 19.00 i klubblokala i Langhaugane. Vi serverar kaffi og litt å bite i. Velkommen!

Sakliste:

• Opning v/formann

• Godkjenning av innkalling

• Val av møteleiar, protokollførar og to til å signere protokollen

• Styret si årsmelding

• Rekneskapen for 2022

• Budsjett for driftsåret 2023

• Val

• Innkomne saker

Medlemskveld tysdag 13. desember kl 19.00

Vi inviterer til medlemskveld i Langhaugane tysdag 13. des. kl. 19.00.

Alex Vassbotten vil presentere eit afrikarally, Sahara Challenge, han har delteke på i år med sin Alvis Firefly frå 1933. Det blir kaffi og anna å få kjøpt. Vel møtt!

Sandane Grand Prix søndag 14. august

Tradisjonen tru blir det Sandane Grand Prix under Sandanedagane også i år. Arrangør Fjæra Bluesklubb inviterer og håpar på godt oppmøte. Trykk på bildet under for meir informajon.

Oppdatert – Firdaløpet laurdag 20. august 2022

Laurdag er det Firdaløp!

Oppmøte ved Biltema i Førde frå ca kl. 10.00, og starten går kl. 11.00. Ruta er Førde – Stardalen. Første stopp blir post 1 på Moskog, deretter køyrer ein til post 2 i Langhaugane før ein køyrer vidare til post 3 på Svidalsneset. Ein held fram på E39 til Skei der ein tek ein ørliten avstikkar inn på Rv5 til post 4 i området Felleskjøpet/Firda Billag. Deretter er det tilbake til E39 og vidare til Klakegg, og siste post blir å finne ein stad i Stardalen, før det er målgang på Stardalen Sommarkafè. Sommarkafeen er sjølvsagt open og ein får kjøpt seg både mat og drikke.

Som alltid er det også premieringar for beste kostymer og heilhetsinntrykk og vi oppmodar til å stille i tidsriktig antrekk.

Ikkje nøl med å melde deg på! Trykk her og fyll ut skjema for påmelding.

Du kan òg melde deg på ved start, men av praktiske årsaker er det ønskjeleg med mest mogeleg førehandspåmeldingar. Påmeldingar fram til 16. august kjem med i løpsheftet.

Startkontingent er kr 300,-, og kan betalast til bankkonto 3760.10.18269 eller vipps til 107593, Hugs å merke betalinga med same namn som i påmeldinga. Du kan også betale ved start (Vipps eller kontant, vi har dessverre ikkje kortterminal tilgjengeleg).

© Sunnfjord Veteranvogn Klubb - Laga av Findriv