Invitasjon til Open dag på Steinvik Fiskefarm Visningssenter 12. mai

LAURDAG 12. MAI KL 11.00-17.00 blir det open dag hos Steinvik Fiskefarm for 8. året på rad!

Medlemer i Sunnfjord Veteranvogn Klubb er spesielt invitert til å ta turen med sine køyretøy i år også.

På open dag er det aktivitetar for alle aldrar og einkvar smak: Veteranbilar, fisk i mærane, oppdrettsutstillinga, quiz, fiskekonkurranse for born (utlån av fiskeutstyr, men ta med redningsvestar for dei minste 0-5 år), båt-turar, Svanøy Røykeri-stand og Røde Kors-stand, sal av grilla laks m.m. og speaker med høgtalaranlegg. Og sjølvsagt vert dei artige rognkjeksa med, og det vert trekking av premiar som alltid. Andre spennande ting dukkar heilt sikkert opp også! Det er rikeleg sitteplassar inne og ute. I tilfelle dårleg ver er det telt ute, og varmelamper inne i hallen.

Gratis inngang for alle.